Një aksident tragjik ka nodhur pasditen e sotme në autostradën Fier-Lushnjë, pranë fshatit Vajkan, ku ka humbur jetën një 34-vjeçar.
Sipas informacioneve paraprake, ai po udhëtonte me motor në drejtim të Lushnjës, kur dyshohet se ka humbur kontrollin e mjetit, ka dalë nga rruga dhe është përplasur në asfalt.
Në vendngjarje mbërritën menjëherë forcat e policisë dhe autoambulanca, por i riu nuk mundi t’u mbijetonte plagëve të marra. Grupi hetimor po punon për zbardhjen e plotë të shkaqeve të aksidentit.
