Policia e Vlorës ka ndaluar E.K., 33 vjeç, banues në lagjen “Rilindja”, pasi dyshohet se ka kryer vjedhje në dy minimarkete në qytet.
Sipas hetimeve, E.K. ka vjedhur shuma parash dhe steka cigaresh në dy raste, më 29 janar në lagjen “Pavarësia 2” dhe më 31 janar në lagjen “Isa Boletini”.
Hetimet janë duke vijuar për të zbardhur edhe vjedhje të tjera të mundshme që mund të jenë kryer nga i njëjti person.
Pas arrestimit, materialet janë referuar në Prokurorinë e Shkallës së Parë të Vlorës për veprime të mëtejshme ligjore.
