Policia e Vlorës ka vënë në pranga 3 persona pasi këta të fundit kanosën një 30 vjeçar duke i marrë makinën dhe i kërkuar 30 mijë euro.
Të arrestuarit janë: A. G., 26 vjeç, M. B., 22 vjeç dhe M. H., 29 vjeç, të tre banues në Vlorë.
Sipas burimeve ngjarja ka ndodhur në afërsi të një lokali në lagjen “Pavarësia” në Vlorë.
Materialet procedurale iu referuan prokurorisë së Vlorës për veprime të mëtejshme lidhur me veprën penale “Shtrëngimi me anë të kanosjes ose dhunës për dhënien e pasurisë”, kryer në bashkëpunim.
