Një bari 65-vjeçar, Ylli Dine, është shpallur i humbur në fshatin Mezhgoran të Tepelenës, pasi nuk është kthyer në shtëpi që prej mbrëmjes së djeshme.
Familjarët e tij kanë njoftuar Policinë dhe kanë kërkuar ndihmë për ta gjetur.
Bagëtitë e tij janë zbuluar pranë lumit Vjosë, por bariu nuk është gjetur ende.
Burime nga policia thonë se dyshohet se 65-vjeçari mund të jetë marrë nga rrjedha e lumit për shkak të rritjes së nivelit të ujit dhe kushteve të vështira të terrenit në zonë.
