Në një konferencë për media, ish-kryeministri Sali Berisha ka hedhur akuza të forta ndaj qeverisë dhe ndërtuesve të vilave të Surrelit.
Ai ka theksuar se shqiptarët duhet të jenë të vetëdijshëm për gjobat dhe pagesat që ata kanë bërë për ndërtuesit e këtyre vilave, duke sugjeruar se këto para mund të kenë shkuar në duar të gabuara. Në fjalën e tij, Berisha ka përmendur edhe lidhjet mes ndërtuesve dhe kryeministrit Edi Rama, duke e akuzuar atë për përfshirje në këtë skemë.
“Janë nga më të pakta shpërblimet që kanë marrë ndërtuesit e sarajeve të Surrelit. Shqiptarët të mësojnë se çfarë gjobash paguajnë, se si paguajnë qindra milionë te ndërtuesit e vilës së Surrelit, sigurisht që i ndajnë me Ramën, duke përdorur emrin e tij. Edhe ky fakt provon se Edi Rama… Asnjë shpresë s’ka, përveç guximit, revoltes dhe zemrimit tuaj. Unë kam besim se data 10 shkurt do të jetë triumfi i qytetarëve shqiptarë ndaj organizatës kriminale.”
