Kreu i Partisë Demokratike, Sali Berisha, ka bërë akuza të forta ndaj kryeministrit Edi Rama, duke e akuzuar se po mbron zëvendëskryeministren Belinda Balluku për t’i ruajtur imunitetin, ndërkohë që SPAK kërkon arrestimin e saj.
Sipas Berishës, Rama refuzon t’i heqë imunitetin Ballukut, pasi një veprim i tillë do të çonte në rënien e imunitetit të tij personal dhe do të nxirrte në pah përfshirjen e tij në afera korruptive.
“Edi Rama nuk do pranojë kurrë të heqë imunitetin e Lubi Ballukut. Dhe kjo vetëm e vetëm se ai dorëzon në atë moment edhe imunitetin e tij. Dhe ai është i gatshëm me çdo çmim të mbrojë, sepse i takon të dergjet burgjeve, ndoshta për 30-40 vite me aferat e tij korruptive,” theksoi Berisha.
