Autoriteti Rrugor Shqiptar, përmes një postimi në facebook, këtë të enjte, bën me dije se është hapur qarkullimi në Qafë Thore, pavarësisht rënies së borës.
Postimi i ARRSH
Qarkullimi në Qafë Thore është aktualisht i hapur
Vijon puna për pastrimin e borës që po bie, si dhe monitorimi i vazhdueshëm i situatës për shkak të rrezikut të mundshëm nga ortekët.
Mjetet që kanë nevojë të lëvizin, këshillohen të qarkullojnë tani, me qëllim shmangien e lëvizjeve gjatë orëve të vona të natës
Reshjet e borës po vazhdojnë dhe, nëse shtohen gjatë natës, ekziston rreziku i riaktivizimit të ortekëve.
Kontraktori i mirëmbajtjes është në terren me mjete dhe punëtorë në gatishmëri për çdo situatë”
