Kryetari i Grupit Parlamentar të PD-së, Gazment Bardhi, përmes një postimi në facebook, ka shfaqur foto t e takimit me kongresmenët amerikan së bashku me deputetët e PD, të cilët vijojnë vizitën në Uashington. Bardhi bën me dije se gjatë takimit u diskutua situata në Shqipëri dhe dështimi i qeverisë në luftën kundër krimit të organizuar, për shkak të bashkëpunimit të mazhorancës me të.
Postimi i Bardhit
Washington DCNë Kongresin Amerikan me kongresmenin Clay Higgins, anëtar i lartë i Komitetit të Mbikëqyrjes dhe Reformës së Qeverisjes në Dhomën e Përfaqësuesve dhe Kryetar i Nënkomitetit për zbatimin e ligjit federal. Me kongresmenin Higgins kishim mundësi të diskutonim sesi Shqipëria ka dështuar të luftojë krimin e organizuar, duke bashkëpunuar me të dhe duke e forcuar vit pas viti. Sistemi i drejtësisë dhe agjencitë ligjzbatuese duhet të sigurojnë pavarësinë dhe të bashkëpunojnë ngushtë me partnerët me qëllim luftën me efikasitet ndaj krimit të organizuar dhe korrupsionit.
