Kreu i Grupit Parlamentar të Partisë Socialiste, Taulant Balla, ka reaguar lidhur me kërkesat për dënime ndaj ish-liderëve të UÇK-së në Hagë, duke i cilësuar ato si “turpshme” dhe të bazuara mbi trillime.
Ai thekson se ironia qëndron në faktin që e njëjta prokurori më parë ka kërkuar dënime më të ulëta për xhelatët pushtues.
Postimi i plotë i Taulant Ballës:
“Mirëmëngjes mbi kombin shqiptar është zbrazur dje në Hagë një akuzë e turpshme e mbushur fund e krye me trillime, me qëlimin e vetëm baltosjen e luftës çlirimtare të UÇK. Ironia është se e njëjta prokurori ka kërkuar vite më parë dënime shumë më të ulëta për xhelatët pushtues, përgjegjës për 12 mijë bij e bija nënash të cilëve ju grabit jeta, për 20 mijë gra dhe vajza që u përdhunuan, për 1600 persona të tjerë të vdekur e të pakallur, ose si i thonë në gjuhën burokratike të Hagës, rezultojnë të zhdukur.
Prandaj mos mungoni më 17 Shkurt në Prishtinë! Të gjithë duhet të jemi aty.”
