Kuvendi i Kosovës po diskuton mbi programin dhe votimin e qeverisë së re të Albin Kurtit.
Deputeti i AAK-së, Besnik Tahiri, në fjalën e tij në seancën për votimin e Qeverisë ka kritikuar Kurtin për numrin e madh të ministrive që ka ndarë për Qeverinë e re.
Tahiri tha se ndarja e 21 ministrive është vetëm akomodim i interesave politike e partiake.
Deputeti i AAK-së u shpreh se një qeveri aq e madhe duket sikur propozohet për një shtet të madh si Kina, e jo për një Kosovë që i ka 1.7 milionë banorë.
