Avokati i Rexhep Selimit, Geoffrey Roberts, ka hedhur dyshime mbi argumentet e Prokurorisë Speciale të Kosovës (ZPS) që lidhin të akuzuarit me NPK-në dhe përmendjen e figurës së Adem Jasharit në këtë çështje. Ai ka theksuar se përmendja e emrave të tjerë, përfshirë atë të Jasharit, ka për qëllim të krijojë një lidhje të padrejtë mes të akuzuarve dhe grupit të pretenduar kriminal.
Siç ka deklaruar Roberts: “Përmendet edhe Adem Jashari, por nuk përmendet fare masakra që i ka ndodhur kësaj familjeje. Prokuroria kërkon të bëjë lidhjen e këtyre emrave me të akuzuarit për të krijuar një qëllim të përbashkët kriminal, por nuk ka prova konkrete për të mbështetur këtë.”
Avokati theksoi gjithashtu se Prokuroria nuk mund të vërtetojë akuzat lidhur me Adem Jasharin si pjesë të NPK-së, duke e quajtur këtë një spekulim pa baza të forta.
