Gjykata e Posaçme ka dënuar 7 persona të huaj, të cilët më 25 maj 2023 hapën zjarr ndaj policisë në Morinë.
Ata ishin pjesë e dy grupeve që organizonin trafikimin e klandestinëve nga Greqia drejt vendeve të Bashkimit Evropian.
Personat e dënuar janë Sultan Grimash, i cili mori 35 vjet burg, Ayoub Bahhoo, i dënuar me po të njëjtën masë, dhe Muhammed Radën, i cili gjithashtu do të vuajë 35 vjet burg.
Rabi Lqadi dhe Nagid Alabdalah morën 8 vjet burg secili, ndërsa Muhammed Shehab u dënua me 35 vjet burg, ndërkohë që Muhammed Nasir do të vuajë 12 vjet burg.
Të gjithë ata u akuzuan për tentativë vrasjeje ndaj pesë punonjësve të policisë, si dhe për trafikim të emigrantëve.
