Një grua në Kuçovë ka kërcënuar se do të hidhet nga një nga kullat e puseve të naftës, pas largimit nga puna.
Ajo është identifikuar si Elona Bregaj, e cila ka punuar në ndërmarrjen e pastrimit.
Mendohet se shkaku i këtij akti dramatik është largimi i saj nga puna, një situatë që ajo e ka përjetuar më parë.
“Sot na hoqën nga puna. S’është hera e parë që e bëj, është hera e tretë. Çfarë të bëjmë. Ne na hoqi nga puna ai dhe hipëm lartë. Atje vetëm te kulla mund ta zgjidhësh. 380 mijë lekë. Kaq të ardhura kemi. Me një burrë të sëmurë. Pse duhet të më heqë nga puna? Asgjë s’bëra. Më hoqën nga puna se kërkova rrogën në bashki. Rrogën na e hedhin një herë në dy muaj e gjysmë,” tha Bregaj.
