Pak minuta më parë në zonën e “Delijorgjit” në Tiranë, 58 vjeçari Bardhyl Fusha me armën e zjarrit kallashnikov tentoi të grabiste filialin e bankës FiBank, por nuk arriti dot, pasi fotcat e policisë bënë të mundur arrestimin e tij.
Pas kësaj ngjarje ka ardhur një regaim i menjëhershëm nga policia e shtetit.
Siç bëhet me dije 58 vjeçari ka qëlluar njëherë në dysheme, ku si provë ka ngelur një gëzhojë.
Njoftimi i policisë
Rreth orës 11:15, në Rrugën e Kavajës, shtetasi B. F., rreth 58 vjeç, dyshohet se ka hyrë në ambientet e një banke, me qëllim vjedhjen e saj, duke qëlluar me armë zjarri, në dysheme. Nga të shtënat nuk ka shtetas të dëmtuar.
Shërbimet e Policisë kanë ndërhyrë menjëherë pas marrjes së njoftimit dhe kanë bërë të mundur kapjen e autorit të dyshuar në tentativë për tu larguar nga vendi i ngjarjes. Autori i dyshuar është shoqëruar në Komisariat.
Gjithashtu, është sekuestruar arma e zjarrit.
Në përfundim të veprimeve hetimore do të jepet informacion më i plotë për rastin.
