Kreu i Partisë Demokratike, Sali Berisha, ka reaguar ashpër ndaj kritikëve që e akuzojnë se po njollos imazhin e Shqipërisë ndërkombëtarisht.
Në një deklaratë të fortë, ai theksoi se është duke mbrojtur interesat e çdo shqiptari të ndershëm, duke ironizuar ata që e kundërshtojnë, ndërsa vazhdoi me akuza të ashpra ndaj qeverisë së Edi Ramës dhe politikave të tij.
“Qytetarët me kryengritjen e tyre paqësore, u bënë zëri i kombit shqiptar. Ishte ky zë që sensibilizoi, që nxiti ndihmoi, lehtësoi vendimet më të rëndësishme ndaj një personi që është armik i rrezikshëm për kombin shqiptar për sigurinë e Europës dhe NATO-s dhe ai quhet Edi Rama. Shpreh mirënjohje ndaj atyre që i rezervuan Ramës atë që meriton. Burra e gra , të rinj e të reja u mblodhën nga të katër anët e Shqipërisë dhe bënë që të dëgjohet zëri i tyre për të gjitha aktet dhe vjedhjet e Ramës. Dua të garantoj që është nga më të papërsëriturat historinë e marrëdhënieve ndërkombëtare, nuk ka ndodh kurrë që një vendi anëtar të NATO-s t’i mbyllen dyert në Forumin e Davos, të mos lejohet të shkojë”, ka deklaruar Berisha, ndërsa ka shtuar se Rama nuk është ftuar në Forumin e Sigurisë në Mynih për shkak të imazhit të tij të keq në skenën ndërkombëtare.
