Deputeti i Partisë Socialiste, Erion Braçe, ka depozituar një kërkesë në Kuvend për zhvillimin e një seance pyetje-përgjigje me ministrin e Bujqësisë dhe Zhvillimit Rural, Andis Salla.
Braçe kërkon sqarime lidhur me grabitjen dhe tjetërsimin e tokës në lumin Seman, si dhe për raste të tjera të ngjashme që mund të jenë evidentuar në bashkinë e Lushnjës.
Në kërkesën e tij drejtuar Kryetarit të Kuvendit, Niko Peleshi, deputeti Braçe shtron dy pyetje: “Pse lejohet grabitja dhe tjetërsimi i tokës së lumit Seman, pranë fshatit Imshtë, njësia administrative Bubullimë, bashkia Lushnje? A keni evidentuar raste të tjera të grabitjes dhe tjetërsimit të tokës së lumit përgjatë lumenjeve Seman dhe Shkumbin?”
