Presidenti Donald Trump ka deklaruar se do të jetë i përfshirë “indirekt” në bisedimet mes Iranit dhe Shteteve të Bashkuara që do të fillojnë sot në Gjenevë. Ai theksoi se besonte se Irani kishte dëshirë për të arritur një marrëveshje mbi programin e tij bërthamor.
Raundi i dytë i bisedimeve pas kërcënimeve të përsëritura ushtarake dhe tensioneve për shtypjen e protestave antiqeveritare nga Irani vjen në një kohë kur ministria e jashtme iraniane ka theksuar se qëndrimi i SHBA-së për çështjen bërthamore ka kaluar në një “pozicion më realist”.
Trump e cilësoi këtë mundësi si një moment kyç dhe sugjeroi se Irani është i motivuar për të negociuar, duke theksuar se pasojat e një mosmarrëveshjeje mund të jenë të rënda.
