Autoritetet doganore kanë sekuestruar më shumë se 103 mijë palë veshje të dyshuara si të falsifikuara, që mbajnë logo të markave të njohura si Adidas, Nike, Gucci dhe Dior.
Ky është një rast i rëndë i cënimit të pronësisë intelektuale, ku gjithashtu janë zbuluar bluza dhe veshje të markave të tjera të njohura si Hugo Boss dhe Calvin Klein.
Të falsifikuarat u gjetën gjatë një aksioni të drejtuar nga Antikontrabanda, e cila goditi gjithashtu një tentativë për hedhjen në treg të veshjeve të falsifikuara të ekipeve europiane.
Autoritetet kanë bërë të qartë se do të vazhdojnë të zbatojnë një politikë “tolerancë zero” ndaj falsifikimit dhe shkeljeve të Kodit Doganor.
