Dy persona, një motër dhe një vëlla, janë proceduar nga policia në Lushnjë pasi kanë kërcënuar një avokat gjatë ushtrimit të detyrës së tij.
Policia e Fierit bëri me dije se specialistët e Komisariatit të Policisë Fier kanë referuar materialet në Prokurori, ku është nisur procedimi penal për A. N., 36 vjeçe dhe N. B., 29 vjeç, banues në fshatin Çermë e Sipërme, për shkak se kanë kanosur avokatin K. I. në lidhje me detyrën e tij profesionale.
Ndërkohë, janë regjistruar dhe disa raste të tjera për vepra të ndryshme penale. Specialistët e Sektorit të Qarkullimit Rrugor të DVP Fier kanë arrestuar E. R., 51 vjeç, pasi e kanë kapur duke drejtuar automjetin në gjendje të dehur.
Po ashtu, janë proceduar edhe individë të tjerë për vepra të tilla si dëmtim prone dhe vjedhje.
Materialet për të gjitha këto raste janë referuar Prokurorisë së Fierit për veprime të mëtejshme.
