Kryetari i Partisë Demokratike, Sali Berisha, reagoi ndaj deklaratave të kryeministrit Edi Rama në podkastin e tij “Flasim”.
Përmes një videoje në rrjetet sociale, Berisha e pyeti Ramën për arsyen pse iu refuzuan të gjitha takimet zyrtare në SHBA, përveç një takimi me një NGO, të cilin ai e quajti “me dyer të mbyllura”.
“Së pari do ti shtroj një pyetje, si ka mundësi që tu refuzuan të gjitha takimet në Uashington, përveçse një NGO, edhe ajo me dyer të mbyllura, duhet ti bësh transparencë shqiptarëve. Nuk ishe në udhëtim privat, por ishe përfaqësues i Shqipërisë në një forum prestigjioz si Bordi i Paqes. Pra cila është arsye që tu refuzua cdo takim që kërkova, qoftë gjatë qëndrimit, qoftë paraprakisht. Unë e di që nuk do flasësh, por heshtja jote flet më shumë sesa cdo gjë tjetër në këtë rast”, tha Berisha.
