Roma dhe Juventus kanë ndarë pikët në një ndeshje emocionuese që përfundoi 3-3 në “Stadio Olimpico” në javën e 27-të të Serie A. Verdhekuqtë kaluan të parët në minutën e 39-të me Wesley França, ndërsa pas pushimit, Juventus reagoi me Francisco Conceição që barazoi në minutën e 47-të.
Roma riktheu avantazhin në minutën e 54-të me Evan Ndicka dhe shtoi një gol tjetër në minutën e 65-të nga Donyell Malen. Por Juventus nuk u dorëzua dhe me golin e Jeremie Boga në minutën e 78-të dhe atë të Federico Gatti në minutën e tretë shtesë, arriti të barazonte ndeshjen.
Pas këtij barazimi, Roma qëndron e katërta me 51 pikë, ndërsa Juventus renditet i gjashti me 47 pikë në Serie A.
