Kryesia e Partisë Socialiste u mblodh këtë të martë me kërkesë të kryeministrit Edi Rama, ku u diskutua mbi zgjedhjet brenda partisë si dhe zhvillimet e fundit të lidhura me konfliktin në Lindjen e Mesme dhe pasojat ekonomike që mund të sjellë te ne.
Rama lajmëroi hapjen e fushatës për zgjedhje në Partinë Socialiste, të cilat mund të zhvillohen në periudhën qershor-korrik, por ende nuk ka një datë të saktë.
Tre ishin porositë kryesore të kryeministrit:
1- Të shtrijmë dialogun me bazën
2-Të forcojmë bashkëpunimin me bazën socialiste
3- Të jemi të përgatitur për çdo pasojë ekonomike nga lufta
Të pranishëm në këtë mbledhje, ishin të gjithë drejtuesit e 12 qarqeve, si dhe anëtarët e Kryesisë së PS-së. E pranishme ishte edhe drejtuesja e qarkut të Fierit, ish-zv.kryeministrja Belinda Balluku.
