Pas tensioneve të krijuara mes Taulant Ballës dhe Gazment Bardhit në Kuvend, deputetja e PS-së, Evis Kushi ka kërkuar që Bardhi të kërkojë ndjesë për gjuhën e papërshtatshme ndaj grave socialiste.
Ajo e vlerësoi kërkesën e ndjesës nga Balla, ndërsa theksoi se Bardhi duhet të kërkojë ndjesë për fyerjet e bëra në Kuvend.
“Kjo situatë që ndodhi sot duhet të sqarohet, për të parë video e audio. Ishim dëshmitare, kemi dëgjuar epitete të paimagjinueshme. Balla kërkoi ndjesë dhe e vlerësoj reagimin e Ballës, nuk e di nëse Bardhi e ka guximin të kërkojë ndjesë. Është në audio, do ta dëgjoni. S’kemi dakord të fyet një zonjë, kërkoi ndjesë, por do kërkoja nga Bardhi të kërkojë ndjesë për gratë socialiste.”
