Një ngjarje e rëndë ka ndodhur mbrëmjen e sotme në Shkodër, ku një person është plagosur me armë zjarri.
Izvin Gucia dyshohet se ka qëlluar me armë zjarri ndaj Genc Hoxhës, 45 vjeç, pranë një servisi në zonën e Urës Dervishbeg.
Ngjarja ka ndodhur rreth orës 21:10 dhe, si pasojë e të shtënave, Genc Hoxha ka marrë plagë në këmbë, por ndodhet jashtë rrezikut për jetën dhe është nën kujdesin e mjekëve.
Policia ka mbërritur menjëherë në vendin e ngjarjes dhe është angazhuar në ndjekjen e autorit, ndërkohë që grupi hetimor po punon për zbardhjen e plotë të ngjarjes, nën drejtimin e Prokurorisë.
