Deputetja e Partisë Demokratike, Albana Vokshi reagoi pas raportimeve se kryeministri Edi Rama u ka kërkuar deputetëve socialistë të shmangin deklaratat publike.
Në një reagim në rrjetet sociale, ajo e cilësoi këtë si një përpjekje për të kufizuar debatin publik dhe për të mbajtur të fshehur realitetin me të cilin përballen qytetarët shqiptarë.
“Një simbolikë e qartë: gojët mbyllen. Mbyllet fjala në grup, mbyllet debati, mbyllet e vërteta për median dhe për realitetin që jetojnë shqiptarët çdo ditë. Por ka një gjë që nuk mund ta mbyllë askush: zërin e qytetarëve. Sepse në fund, vetëm qytetarët kanë fuqinë të reagojnë dhe vetëm ata mund t’i japin fund një realiteti që përpiqen ta fshehin”, shkruan Vokshi.
