Shefi i Grupit Parlamentar të AAK-së, Besnik Tahiri, ka shprehur kritika të ashpra ndaj Lëvizjes Vetëvendosje (LVV), duke e cilësuar situatën politike në Kosovë si më të rëndën që pas shpalljes së pavarësisë.
Ai tha se, edhe pse LVV ka fituar 51 për qind të votave, partia nuk po arrin të bëjë shtetin funksional dhe ka krijuar një bllokadë të thellë politike, duke sjellë një krizë kushtetuese të vazhdueshme.
Tahiri vuri në dukje se kjo krizë ka sjellë një eksperimentim kushtetues për më shumë se një vit dhe ka vënë në pikëpyetje proceset themelore të shtetit.
“Në një ndër krizat më të thella me shumë të panjohura, duke e sjellë shtetin përsëri në një rrethanë ku mbi një vit, vitin e dytë, është një eksperimentim në letër i betejave kushtetuese”, tha Besnik Tahiri, nga AAK.
