Kryetari i PD-së, Sali Berisha u pyet sot nëse do të kandidojë për një tjetër mandat në krye të partisë në zgjedhjet e 23 Majit? “Si e bën këtë pyetje? Kaq përgjigja”- u përgjigj ai. Po neni Basha? “Neni flet për zgjedhje dhe jo për farsë elektorale. Nëse ka një realitet absolut është zgjedhjet ishin farsë elektorale.
Sa herë zgjedhjet humben kur ato janë normale është detyrë e atij që udhëheq të largohet, të japë dorëheqjen. Farsa elektorale është tjetër, të luftojë diktaturën. Farsë ishte edhe 2021. Por ai zotëria e kishte mendjen koalicion të madh me Ramën” u justifikua Berisha.
Nuk i kurse edhe sot akuzat ndaj qeverisë dhe kryeministrit Edi Rama. “Ergys Agasi është parë duke u ngjitur në Surrel. A po fshihej aty apo shkonte për një takim aty këtë nuk mund ta them. Por ju them se Ergys Agasi të cilit do i hiqet së shpejti edhe masa e arrestit si person në hetim pas lëvizjes së Sokol Soadushit” tha ai.
