Kryetari i Partisë Demokratike, Sali Berisha, ka thirrur protestë këtë të diel në orën 18:00 me kërkesën për largimin e kryeministrit Edi Rama, krijimin e një qeverie teknike dhe organizimin e zgjedhjeve të lira.
Protesta përkon me festën e Sulltan Nevruzit për komunitetin bektashi, por demokratët kanë zgjedhur simbolikën e 22 marsit 1992, ditën e fitores së PD-së në zgjedhjet pluraliste pas rënies së komunizmit.
Berisha i bëri thirrje shqiptarëve të bashkohen për këtë “kryengritje paqësore”, duke theksuar se është detyrë e çdo qytetari të marrë pjesë dhe të shprehë forcën e opozitës përmes një proteste masive.
“Të bashkohemi në 18:00 në rrugët dhe sheshet e Tiranës për të treguar forcën tonë,” tha Berisha.
