Tensionet mes Shteteve të Bashkuara dhe Iranit kanë marrë një tjetër përshkallëzim pas deklaratave të Presidentit amerikan Donald Trump, i cili ka paralajmëruar se Uashingtoni mund të rifillojë sulmet ajrore ndaj Teheranit nëse nuk respektohen kushtet e një marrëveshjeje të re në proces.
Deklaratat vijnë në një moment delikat diplomatik, vetëm pak ditë pas nënshkrimit të një memorandumi mirëkuptimi mes dy vendeve në Zvicër, i cili ende nuk është finalizuar plotësisht.
Gjatë një takimi dypalësh me presidentin egjiptian Abdel Fattah el-Sisi, në margjinat e samitit të G7 në Evian, Trump theksoi se qëndrimi i SHBA-së do të varet nga sjellja e mëtejshme e Iranit, duke lënë të hapura të gjitha opsionet.
“Ky nuk është një tekst përfundimtar, është një protokoll mirëkuptimi. Dhe nëse nuk më pëlqen, nëse ata nuk sillen siç duhet, ne do të fillojmë të hedhim bomba mbi kokat e tyre përsëri,” është shprehur Trump, sipas deklarimeve të raportuara.
