Kapiteni i Kombëtares shqiptare, Berat Gjimshiti, ka theksuar gatishmërinë e ekipit për ndeshjen historike ndaj Polonisë, një sfidë që mund të vendosë fatin e kualifikimit të Shqipërisë në Botërorin 2026.
Gjimshiti beson se Shqipëria është gati të japë gjithçka për të arritur këtë ëndërr, pavarësisht kundërshtarit të fortë dhe presionit që vjen nga një ndeshje kaq e rëndësishme.
“Sigurisht që e kemi ndjerë këtë ndeshje shumë. Të gjitha ndeshjet e fundit na kanë treguar se ekipi ka ecur përpara. Besoj se do të jemi gati të japim maksimumin. Polonia është një skuadër e fortë, por ne do të bëjmë gjithçka për të fituar. Ndeshja do të jetë shumë e vështirë, por vullneti dhe dëshira për të arritur ëndrrën do të na çojnë përpara,” tha Gjimshiti.
