Në mbledhjen e fundit të Grupit Parlamentar të Partisë Socialiste u ritheksua rëndësia e përfundimit të azhornimit të pronave brenda këtij mandati, një proces që synon të sigurojë siguri juridike për qytetarët në të gjithë vendin, përfshirë edhe ata të qarkut Vlorë.
“Përfundimi i azhornimit të pronave është një hap jetik për sigurinë juridike të qytetarëve dhe për transparencën e të drejtave të tyre. Ky proces do të realizohet brenda këtij mandati, duke u siguruar qytetarëve të gjithë vendit qartësi dhe mbrojtje ligjore.”
Procesi i azhornimit synon të përfshijë të gjitha bashkitë dhe të vendosë bazat për një regjistrim të saktë të pronave, duke eliminuar boshllëqet juridike dhe duke garantuar një menaxhim më efikas të pasurive të paluajtshme.
