Mbledhja e zgjeruar e Partisë Socialiste është shoqëruar me tensione dhe replika të forta, ku në qendër të debatit ka qenë deputetja Elisa Spiropali dhe mungesa e saj në një votim të rëndësishëm parlamentar.
Gjatë diskutimeve, situata është përshkallëzuar deri në përplasje verbale mes kryeministrit Edi Rama dhe Spiropalit.
“Ti mos e hap gojën fare, fare. Ti një herë mos fol fare, të paktën në prezencën time!”, mësohet t’i jetë drejtuar Rama deputetes Spiropali gjatë mbledhjes.
Pas këtij momenti, Spiropali ka kërkuar më shumë respekt në komunikim, ndërsa ka shprehur gatishmëri për një debat të hapur lidhur me çështjen në fjalë.
