Procesi për zgjedhjen e presidentit të ri të Kosovës ka hyrë në fazat e para të konsultimeve politike. Kryeministri Albin Kurti dhe kreu i LDK-së, Lumir Abdixhiku, zhvilluan një takim ku në qendër ishte pikërisht kjo çështje, në prag të përfundimit të mandatit të presidentes aktuale, Vjosa Osmani.
Megjithatë, nga ky takim nuk dolën detaje konkrete lidhur me emrat e mundshëm, pasi sipas Abdixhikut, procesi kërkon ende kohë dhe diskrecion.
“Jemi në një fazë ku diskutimet janë ende të brendshme dhe kërkojnë konfidencialitet. Kur të kemi propozime konkrete dhe të afrohemi drejt një marrëveshjeje, atëherë do të informojmë edhe publikun,” u shpreh ai.
Presidenti i ri/ Kurti takon Abdixhikun, por nuk ka ‘tym të bardhë’
