Presidenti i SHBA, Donald Trump, ka komentuar situatën e tensionuar me Iranin gjatë një konference për mediat, duke zbuluar se një informacion i brendshëm është rrjedhur dhe përfundoi në duar të Teheranit, duke vënë në rrezik jetën e një piloti të rënë. Trump tha se ky informacion tregonte se piloti ishte ende në territorin iranian, një veprim që ai e cilësoi të rrezikshëm dhe paralajmëroi se individi përgjegjës do të ndëshkohet.
Në komentet e tij, Trump tha, “Duhet të gjejmë atë që nxori informacionin, ndoshta nuk e ka kuptuar plotësisht çfarë bëri, por ne do ta gjejmë. Ai që bëri këtë do shkojë në burg dhe kjo nuk do zgjasë shumë.” Presidenti amerikan shtoi se misioni ishte vënë në rrezik të madh dhe shumë njerëz në Iran kishin shpresuar të përfitonin nga situata duke kapur pilotin, për të cilin u ofrua një “çmim” nga Teherani.
