Tensionet në Ngushticën e Hormuzit janë në rritje pas disa incidenteve të fundit, përfshirë përplasjen e një anijeje të Koresë së Jugut dhe pretendimet nga Irani se kishte goditur një shkatërrues amerikan – një akuzë që është mohuar nga Uashingtoni.
Mediat amerikane raportojnë se forcat ushtarake të SHBA-së janë autorizuar të godasin motoskafet e Gardës Revolucionare të Iranit në rast nevoje.
“Irani do të shkatërrohet nëse sulmon anijet amerikane”. Deklarata e Trump vjen ndërkohë që tensionet vazhdojnë të mbeten të larta në rajon dhe Shtetet e Bashkuara kanë njoftuar se kanë kontroll të plotë mbi Ngushticën e Hormuzit, një rruge kyçe për kalimin e energjisë dhe transportin ndërkombëtar.
