Kreu i Grupit Parlamentat të PD-së, Gazment Bardhi së bashku me një grup deputetësh demokrat këtë të martë ishin të pranishëm si dëshmitar në procesin e gjyqit ndaj ish-kryebashkiakes së komanduar të Bashkisë së Tropojës, Zyra Islamaj.
Pas daljes nga gjykata Gazment Bardhi në një deklaratë për mediat tha se dosja ka kalur për gjykim në GJKKO.
“Bëhet fjalë për nënkryetaren e bashkisë së Tropojës që është marrë e pandehur dhe është dërguar në gjyq me akuzën për korrupsion në rastin e një prokurimi publik, ku dyshohet se ka përfituar ndërtimin si dhuratë të një ure nga ana e kompanisë private që ishte kontraktuar për të ndërtuar një rrugë nga bashkia e Tropojës.
Arsye që erdhëm sepse një grup deputetësh janë firmëtarë të kallëzimit. Patjetër që i qëndrojmë kallëzimit që kemi bërë në SPAK. Kallëzimi i bërë prej nesh është gjetur i drejtë dhe me provat e duhura nga ana e SPAK, e cila në përfundimit të hetimeve i është drejtuar për gjykim Gjykatës së Posaçme”, tha Bardhi.
“Me qëtësi se jemi dëshmitarë”- Bardhi mbërrin në GJKKO për gjyqin ndaj Byberit
