Kreu i Grupit Parlamentari të PD-së, Gazment Bardhi, nga mbledhja e grupit të PD gjatë leximit të raportit është shprehur se mazhoranca në Kuvend ka sulmuar opozitën për ti mbyllur gojën lidhur me shqetësimet dhe kritikat që ka ngritur në çdo seancë.
“Kjo tregon kapjen totale të shtetit, ne jemi të përjashtuar nga interpelancat për procesin e integrimit, duke mos patur asnjë informacion për projekligjet që nevoiten të miratohen në kuadër të përafrimit të legjislacionit të BE-së. Mazhoranca refuzon çdo iniciativë të opozitës, refuzon çdo kërkesë për Interpelancë dhe Komisione Hetimore. I dërguan raport kreut të Kuvendit por edhe Ambasadave. Mazhoranca anë Kuvend ka refuzuar ngritjen e 5 Komisioneve Hetimore, 7 kërkesa për interpelancë me kryeministrin”, tha Bardhi, duke shtuar se, ‘kanë urrejtje për deputetët e opozitës dhe amnisti për deputetët e mazhorancës’.”, u shpreh Bardhi.
