Presidenti Donald Trump u ka dhënë aleatëve evropianë vetëm disa ditë kohë për të vendosur anije luftarake ose asete të tjera ushtarake për të garantuar sigurinë në Ngushticën e Hormuzit, raportoi revista gjermane Der Spiegel.
Kërkesa u bë gjatë një takimi në Shtëpinë e Bardhë midis Trump dhe Sekretarit të Përgjithshëm të NATO-s, Mark Rutte.
Rutte më pas informoi kryeqytetet evropiane se Uashingtoni po kërkonte “angazhime konkrete” në ditët në vijim, raportoi revista, duke cituar diplomatë evropianë që folën në kushte anonimiteti.
Diplomatët e quajtën kërkesën një “ultimatum”, duke thënë se administrata Trump e kishte bërë të qartë se “premtimet politike” të paqarta nga aleatët nuk ishin më të mjaftueshme.
Mbetet e paqartë nëse SHBA-të po shtyjnë përpara një mision formal të NATO-s apo thjesht misione kombëtare të koordinuara.
Trump sulm NATO-s: Ata nuk kuptojnë asgjë nëse nuk u bëhet presion
