Artur dhe Arben Mehilli, dy vëllezër të dënuar për vrasje me paramendim dhe mbajtje armësh, janë arrestuar në Itali pas 24 vitesh arratisjeje.
Ata ishin shpallur në kërkim ndërkombëtar për vrasjen e personit me iniciale R. M. në vitin 1999, për motive gjakmarrjeje.
Pasi kryen krimin, vëllezërit u larguan drejt Italisë duke përdorur identitete false dhe siguruan leje qëndrimi.
Arrestimi i tyre u realizua falë teknologjisë “Facial Recognition” dhe bashkëpunimit të ngushtë mes Interpol Tiranë dhe Romë, si dhe autoriteteve shqiptare.
Operacioni u realizua nga Departamenti i Policisë Kriminale dhe Policia e Fierit, në koordinim me Prokurorinë e Përgjithshme.
