Kina ka reaguar me ashpërsi ndaj bllokadës detare të vendosur nga Shtetet e Bashkuara ndaj Iranit, duke e cilësuar atë si një “veprim të papërgjegjshëm dhe të rrezikshëm” që mund të minojë marrëveshjet e armëpushimit dhe të rrezikojë sigurinë në Ngushticën e Hormuzit.
“Kina beson se vetëm duke arritur një armëpushim gjithëpërfshirës dhe duke i dhënë fund luftës, mund të krijojmë në thelb kushte për lehtësimin e situatës në ngushticë”, tha Guo Jiakun, zëdhënësi i Ministrisë së Jashtme të Kinës.
Ai shtoi se Kina i bën thirrje të gjitha palëve për të zbatuar marrëveshjet e armëpushimit dhe të përqendrohen në dialogun për paqe.
