Deputeti i PD-së, për qarkun e Shkodrës, Kliti Hoti me anë të një postimi në faqen e tij facebook ka publikuar një video nga vendlindja e tij, teksa në pamjet duken një grumbull i madh inertesh, edhe pse tashmë është pragu i sezonin turistik.
“Ky është realiteti që do shohin turistën në 2026. Kjo është e papranueshme dhe duhet të ndryshojë sa më shpejtë. Ne duhet me e dashtë qytetin tonë dhe Shkodrën”, tha Hoti.
Postimi i Hotit
Në hyrje të Shkodrës, ende qëndrojnë inertet e ndërtesave të prishura që nga viti 2025. Në prag të sezonit turistik, kjo është ajo që shfaqet nga vizitorët: rrënoja dhe neglizhencë. Ndërkohë, propaganda vazhdon sikur gjithçka është në rregull.
