Pesë palestinezë, përfshirë tre fëmijë, humbën jetën në një sulm ajror izraelit në veri të Rripit të Gazës.
Sulmi u krye mbrëmjen e së mërkurës në qytetin Beit Lahia, ku një dron goditi një grup njerëzish pranë një xhamie.
Ushtria izraelite tha se synonte një “terrorist” që përbënte kërcënim të menjëhershëm për trupat izraelite.
Ndërkohë, Hamas e quajti sulmin një “masakër të tmerrshme”.
