Një aksident rrugor është regjistruar pasditen e sotme në aksin Levan–Tepelenë, pranë fshatit Buzmadh, ku një automjet tip “Volkswagen Touran” ka dalë nga rruga.
Në automjet udhëtonin tre persona, të cilët janë plagosur dhe janë dërguar në Spitalin Rajonal Fier për ndihmë mjekësore.
Gruaja dhe një i mitur ndodhen jashtë rrezikut për jetën, ndërsa drejtuesi i mjetit po merr trajtim mjekësor.
Policia ka mbërritur në vendngjarje dhe ka nisur hetimet për të zbardhur shkaqet e aksidentit, ndërsa po punohet për normalizimin e qarkullimit në zonë.
