Deputeti i PD, Saimir Korreshi, ka publikuar pamje shqetësuese nga fshati Çermë Sektor në Divjakë, ku një zonë e tërë është shndërruar në një landfill të hapur.
Në pamjet e publikuara, shihen qartë mbeturina që depozitohen dhe digjen, duke shkaktuar ndotje të rëndë dhe duke rrezikuar shëndetin e qytetarëve.
Korreshi denoncon se ky vend shërben si pikë grumbullimi dhe asgjësimi ilegal i plehrave, ku djegia e mbetjeve ka krijuar një vatër të rrezikshme ndotjeje.
“Për në fshatin Çermë Sektor. Tani do t’ju tregojmë të gjithë këtyre landfillin Çermë Sektorit. Landfill. Shikoni shenjat e djegies, ku hidhen plehrat dhe këtu digjet. Landfill. Shikoni shenjat e djegies. Kape një çikë, të gjitha shenjat e djegies. Këtu digjen plehrat. Këtu digjen të gjitha plehrat e kësaj. Urdhëro! Shiko si i ke akoma dhe plus djegies, shenjat e djegura. Pasojat e landfillit kalojnë këtu poshtë. I shikoni pasojat e djegies, landfillit, plehrave, dynjasë, se çfarë derexheje kalojnë në këtë ujë. Ky ujë hyn në bujqësi për të vaditur gjithë këtë zonë dhe ky ujë, të nderuar shqiptarë, vjen në ushqimet tona pastaj. Falë landfillit bërë nga bashkia Divjakë, të organizuar, të mirëorganizuar nga bashkia Divjakë në këtë vend. Urdhëro skandalet!”
