Koreja e Jugut do të udhëheqë për herë të parë stërvitjen detare shumëkombëshe të udhëhequr nga SHBA-të, e cila do të zhvillohet në Hawaii nga 24 qershori deri më 31 korrik.
Stërvitja “RIMPAC”, që mbahet çdo dy vjet, synon të përforcojë bashkëpunimin ndërkombëtar për të mbrojtur sigurinë detare dhe linjat e komunikimit global.
Një admiral i Koresë së Jugut do të komandojë këtë forcë shumëkombëshe, e cila përfshin mbi 25,000 ushtarë, 40 anije, 5 nëndetëse dhe 140 avionë. Kjo është hera e parë që Koreja e Jugut merr këtë rol, pasi ka shërbyer si zëvendëskomandante vetëm dy vite më parë.
Koreja e Jugut do të angazhojë flotën e saj, përfshirë shkatërruesin Aegis Jeongjo the Great, aeroplanin P-9 dhe nëndetësen Dosan Ahn Chang-ho, për të kontribuar në stërvitje, që synon të rrisë gatishmërinë për të përballuar kërcënimet detarë.
