Papa Leo priti në Vatikan Sekretarin e Shtetit të SHBA-së, Marco Rubio, në një takim rreth 45-minutësh, ku u diskutuan konflikte në Afrikë dhe Lindjen e Mesme, si dhe çështja kubane.
Takimi shënoi fillimin e vizitës së Rubio në Itali, ku ai do të takohet nesër edhe me kryeministren italiane Giorgia Meloni dhe ministrat Tajani e Crosetto.
Autokolona e Rubio mbërriti në Oborrin e Shën Damazit mes masave të rrepta sigurie, ku u prit nga prefekti i Familjes Papnore, imzot Petar Rajic. Rubio shoqërohej nga ambasadori amerikan në Vatikan, Brian Burch.
Pas pritjes nga Papa, Rubio u takua në Sekretariatin e Shtetit me kardinalin Parolin dhe kryeipeshkvin Paul Richard Gallagher, ku diskutuan prioritetet diplomatike, sfidat humanitare dhe situatat e tensionuara në vendet e konfliktit.
