Presidenti i Këshillit Evropian, Antonio Costa, përmes një postimi në rrjetin e tij X, theksoi se Bashkimi Evropian mbetet i hapur ndaj bisedimeve me Rusinë për sigurimin e paqes dhe se e ardhmja e Ukrainës mbetet BE.
Fjala e Costas
Bisedimet do të duhet të zhvillohen me Rusinë për të diskutuar çështjet e përbashkëta të sigurisë në një moment të përshtatshëm.
Nuk do të ndërmarrim asnjë veprim për të minuar iniciativën e paqes të presidentit të SHBA-së Donald Trump.
E ardhmja e Ukrainës është në Bashkimin Evropian. Ne mezi presim të ndërmarrim hapat e ardhshëm në procesin tuaj të pranimit sa më shpejt të jetë e mundur. Së bashku, po ndërtojmë një të ardhme të përbashkët evropiane.
