Biznesmeni Endri Meksi ka përfunduar të enjten seancën në Prokurorinë e Posaçme kundër Korrupsionit dhe Krimit të Organizuar (SPAK), pas rreth gjashtë orësh qëndrimi në godinë. Ai u pyet mbi deklaratat e tij të fundit publike dhe rreziqet për jetën e tij.
“U pyeta në lidhje me deklaratat e mia të fundit publike,” tha Meksi për mediat, duke shtuar se ka marrë kërcënime me jetë dhe ka bërë denoncim në polici.
Biznesmeni nuk dha detaje të tjera mbi hetimin, por theksoi se situata mbetet serioze dhe ai ndihet i rrezikuar. Përfaqësues të SPAK nuk dhanë komente shtesë mbi çështjen, duke respektuar sekretin e hetimeve në zhvillim.
