Gjykata e Posaçme Kundër Krimit dhe Korrupsionit të Organizuar (GJKKO) këtë të premte ka rrëzuar kërkesën e ish-kreut të ARRSH Evis Berberi për zëvëndësim të masës së sigurisë “arrest me burg”.
Ish drejtori i ARRSH mbahet në qelinë e paraburgimit që prej muajit mars të vitit 2024 , si i dyshuar nga Prokuroria e Posaçme për kryerjen e veprave penale korrupsion pasiv dhe pastrim parash dhe shkelje e barazisë në tendera.
Bëhet me dije vendimi u dha nga gjyqtare Marinela Osmani, e cila nuk mori parasysh argumentat e paraqitura nga avokati i Berberit.
SPAK ka kërkuar dënimin e Evis Berberit me 10 vite burg, dënim i cili reduktohet mr 1/3 për shkak të gjykimit të shkurtuar, duke përfituar dnëimin me 6 vite për veprat penale “shpërdorim detyre”, “korrupsion pasiv”, “shkelje të barazisë në tendera” dhe “pastrim produktesh”.
Ai po gjykohet me procedurë të shkurtuar, teksa procesi gjyqësor në ngarkim të tij është ende në fazën e mbrojtjes. Berberi ofroi garanci pasurore, nuk u pranua.
