Kryetari i Partisë Demokratike të Kosovës, Bedri Hamza, ka vazhduar takimet me familje në qytete të ndryshme të Kosovës, ku ka diskutuar për gjendjen ekonomike dhe sfidat me të cilat po përballen qytetarët, duke theksuar veçanërisht rritjen e çmimeve dhe mungesën e përputhjes me të ardhurat.
Postimi:
Çmimet si në Evropë, por jo edhe pagat dhe pensionet. Kjo është padrejtësi sociale.
Për këtë arsye, ne do t’i themi STOP krizës ekonomike dhe sociale që e kanë sjellë vendimet e gabuara politike.
Do t’i themi stop çmimeve dhe tatimeve të larta, pagave e pensioneve të pamjaftueshme, stagnimit dhe regresit.
Do të hapim një etapë të re të zhvillimit, mirëqenies dhe dinjitetit për çdo qytetar të Kosovës.
Bashkë me secilin prej jush, pas 7 qershorit, do ta ndryshojmë Kosovën.
